Norvegjia ia ka dhuruar Kosovës 180 mijë doza të vaksinës anti-COVID të AstraZenecas. Lajmin e ka bërë të ditur të martën Ministria e Jashtme e Norvegjisë në faqen e saj në Twitter.
Në postimin në Twitter, ministrja e jashtme e Norvegjisë, Ine Marie Eriksen Soriede, ka thënë se Kosova mund të varet në Ekipin e Evropës, ndërsa ka përgëzuar bashkëpunimin e mirë me emisarin e BE-së për dialogun Kosovë – Serbi, Miroslav Lajçak dhe me BE-në.
“Kosova mund të mbështetet në Ekipin e Evropës. Norvegjia dhuron mbi 180 mijë doza të vaksinës AstraZeneca për Kosovën. Bashkëpunim i mirë me Miroslav Lajçakun dhe institucionet e BE-së”, është thënë nga Soriede.
Kosovës i janë premtuar donacion të vaksinave antiCOVID edhe nga SHBA-ja. Ndërsa ka marrë donacione vaksina edhe nga programi COVAX dhe nga Bashkimi Evropian.
