Presidentja e vendit Vjosa Osmani ka zhvilluar një takim me vullnetarët e projektit “OJQ Toka”.
Përmes një statusi në Facebook presidentja Osmani, ka vlerësuar angazhimin e vullnetarëve, duke thënë se puna e tyre ka ndryshuar shumë jetë për të mirë.
Ky është statusi i saj i plotë:
Takim shumë i vlefshëm sot me super vullnetarët në kuadër të projektit të OJQ TOKA. E admiroj përkushtimin, botëkuptimin, dhe angazhimin e këtyre vullnetarëve. Puna e tyre ka ndryshuar shumë jetë për të mirë. Mbase vullnetarizmi është sinonim i punës për të cilën nuk aplikohet kompensimi financiar, por kompensimi për këtë punë vjen përherë në trajta e mënyra që shpesh as nuk i kemi menduar apo ëndërruar.
