Ministrja e Drejtësisë, Albulena Haxhiu, priti në takim ambasadorin turk në Kosovë, Çağri Sakar.
Në këtë takim, të dy palët diskutuan për çështjet e sigurisë dhe të drejtësisë.
Ambasadori Sakar theksoi gatishmërinë e tij për të bashkëpunuar dhe ofruar mbështetje në fushën e sundimit të ligjit, në veçanti në përmirësimin e teknologjisë dhe digjitalizimit të sistemit të drejtësisë, në ofrimin e mundësive më të mira për qytetarët.
Njëkohësisht, ambasadori turk shprehu gatishmërinë e bashkëpunimit për forenzikë dhe mjekësi ligjore.
Ministrja Haxhiu e njoftoi për prioritetet në fushën e sundimit të ligjit dhe gatishmërinë për t’i vënë në zbatim ligjet e tilla.
Palët u dakorduan për bashkëpunim në të ardhmen, me qëllim të forcimit të sundimit të ligjit.
