Lionel Messi mund të shkojë në Paris Saint Germain.
Edhe zyrtarisht, Lionel Messi është larguar nga Barcelona. Klubi katalunas nuk ka gjetur fonde të mjaftueshme për të rinovuar kontratën me 34-vjeçarin, duke konfirmuar se legjenda do të largohet.
Sipas mediave të huaja, Messi ka oferta të ndryshme, por më seriozja është ajo e PSG-së, që e deshi edhe në vitin 2020.
Sipas Juanfe Sanz Perez, gazetarit të El Chiringuitos, Messi është shumë afër transferimit në PSG, transmeton GE.
Ai ka thënë se tashmë “Leo iu ka treguar disa lojtarëve të Parisit se do ta pranojë ofertën e PSG-së”.
