Misioni i parë i NASA-s që nga viti 1972 për të vendosur njerëzit në sipërfaqen e Hënës është shtyrë deri në vitin 2025.
Agjencia hapësinore kishte synuar që zbarkimi në Hënë të bëhet në vitin 2024.
Në njoftimin e së martës, administratori i NASA-s, Bill Nelson, tha se Kongresi i SHBA-së nuk dha para të mjaftueshme për të zhvilluar një sistem uljeje për programin e saj në Hënë, Artemis dhe nevojiten më shumë para për kapsulën Orion.
Një gjykatës federal amerikan kohët e fundit la në fuqi një vendim të agjencisë për t’i dhënë kontratën për ndërtimin e një automjeti ulje hënore për këtë mision kompanisë SpaceX të Elon Musk.
Themeluesi i Amazon, Jeff Bezos e kishte kundërshtuar vendimin, pjesërisht sepse ai tha se kontrata supozohej t’i ishte dhënë më shumë se një ofertuesi. Firma e Bezos Blue Origin kishte partnerizuar me tre kompani të tjera të hapësirës ajrore për të konkurruar për kontratën prestigjioze të NASA-s.
“Kthimi në Hënë sa më shpejt dhe në mënyrë të sigurt është një prioritet i agjencisë. Megjithatë, me padinë e fundit dhe faktorë të tjerë, ulja e parë njerëzore nën Artemis ka të ngjarë jo më herët se 2025”, tha ai.
