Duket si një veturë normale, por taksia e bardhë nuk ka njeri që e drejton atë, por ajo komunikon me klientët në mënyrë dixhitale për të marrë udhëzime dhe për të marrë pagesën.
Pekini miratoi këtë javë taksitë e tij të para autonome për përdorim komercial, duke sjellë dhjetëra të ashtuquajturat “robotaksi” në rrugët e kryeqytetit kinez.
Automjetet mund të transportojnë vetëm dy pasagjerë në të njëjtën kohë dhe janë të kufizuara në zonën jugore të qytetit Yizhuang.
Një punonjës i firmës së taksive ulet gjithashtu në pjesën e përparme të veturës në rast se nevojitet ndonjë ndërhyrje e papritur, por mjeti drejtohet vetë.
Ky është një hap i rëndësishëm përpara ambicieve pa shofer të gjigantit të teknologjisë kineze Baidu dhe startup-it Pony.ai, të cilëve iu dha drita e gjelbër për të vendosur veturat e tyre në rrugë.
Zhvilluesit shpresojnë që konsumatorët kinezë të cilët kanë përqafuar tregtinë elektronike, pagesat në internet dhe zgjidhje të tjera dixhitale do të mësohen shpejt me ndjesinë e udhëtimit në një veturë pa shofer.
Bashkëthemeluesi i Pony.ai, Peng Jun tha se çelësi për të çuar përpara industrinë është “politika, teknologjia dhe pranimi publik”.
Taksitë komunikojnë me klientët në mënyrë dixhitale për të marrë udhëzime dhe për të marrë pagesën.
Më shumë se 500,000 udhëtime janë bërë tashmë në robotaksinë e Pony.ai gjatë fazave të mëparshme të testimit, thuhet në njoftim.
